Somaliland ayaa sheegtay in raadka wax u muuqda shidaal laga helay degaanka Baha-Dhamal oo ka tirsan degmada Sallaxley.
Wasiirka Tamarta iyo Macdanta Somaliland oo shir jaraa’id ku qabtay xarunta Wasaarada ayaa sheegay in goobta shidaalka uu ka soo baxay markii hore laga qodayay Ceel Biyood riig ah.
“Calaamado muujinaya in shidaal ku jiro ayaa naga soo gaaraya Tuulada la yiraahdo Baha-Dhamal oo Sallaxley dhanka Bari ka xigta 8KM” ayuu yiri wasiirka
Waxaa uu sheegay beer halkaas ku taalla laga qodayay riig ceel biyood ah oo wasaarada biyaha ay ku howlaneyd.
“Markii la marayay 340 mitir ayaa waxa kasoo baxay dareere aad u madow, waxaana laga helay saddex calaamadood oo uu yeelan karo.” ayuu yiri wasiirka oo intaas ku daray iney wadaan baaritaan rasmi ah oo arrintaas la xiriira.
Shirkado shisheeye sahmin shidaal wada ayaa ku sugan Somaliland, kuwaasoo baaritaano ku haya meelo lagu tuhunsan yahay inuu shidaal ku jiro, balse arrinta Ceelkan ayaa haddii la xaqiijiyo noqoneysa mid lama filaan ah.
Xafiiska Shabakada Allbanaadir.com
Muqdisho Somalia
Allbanaadir@live.com
