Siyaasadda soomaalida & awood qaybsiga 4.5 Waxay hoos u dhigtay shucuub, halka ay kor uqaatay kuwo kale, saamaynta Matalaaadda ku dhisan beellaha waxay ciishay laba qolo kuwaasoo kala ah , Kuwo lagu daray (.5) oo sidaas looga dhigay shucuub aan lahayn miisaan siyaasadeed oo ku dhisan deegaan & tayo, waxaa jira qolo labaad oo aan kamid ahayn (.5) balse matalaad xumida dadka siyaasadda kumatalo kadhigeen dad Laqiimo ah (.5) .
Beesha Karanle waxay kamid tahay beelaha ugu badan deegaan ahaan Caasimadda Muqdisho, Gobolada dhaxe & Gobolada Koonfureed, hasa ahaatee waxaad malaysaa in aysan lahayn matalaad Muuqata iyo qiyaam u dhigma soohdinteeda dhuleed, bulsho & taariiqda halganka qaybta lixaad ay kulahayd.
Shaki kuma jiro in deegaan walba & dad walba u ekaanayaan sida uu uyaalo matalaaddooda, mar walba waxay ku xiran tahay saamaynta bulsho walba awoodda dadnimo & karti ee dadka kumatala siyaasadda, darxumida & diifta ka muuqata bulshada ku abtirsata Karanle waa mid aas aaskeedu yahay xulasho xumida hogaanka matalaadda, beel walba & deegaan walbana waxa uu uyaalaa Muuqaalkooda sida ay yihiin dadka matala .
Hogaanka jilicsan waxa uu sababaa jileec dhan walba ah, halka hogaanka adag uu sameeyo isbadalo horumarineed oo dhanka bulshadiisa iyo deegaankiisa ah, sidaa awgeed waxaa la gudboon beesha Karanle in ay iska saxaan khaladaadka sababay in noqdaan bulsho ka dambaysa dhinac walba bulshooyinka ay ood wadaagga yihiin, raadisaana Mustaqbalka hogaan kumatali kara herdan siyaasadeed & kan bulsho ee maanta soomaaliya wax kuqaybsato.
W/Q Siciid Cabdi Faarax Qalable
Xafiiska Shabakada Allbanaadir.com
Muqdisho Somalia
Allbanaadir@live.com
