Sarkaal ka tirsan ciidanka xoogga dalka ayaa ku geeriyooday qarax maanta ka dhacay degaan ka mid ah gobolka Hiiraan
Taliyahii Saadka Guutada 5aad qeybta 27aad ee Xoogga dalka Col. Barre Ceyrow ayaa ku naf waayey qarax qabsaday gaari uu la socday sida ay sheegayaan warar goor dhow na soo gaaray
Qaraxa oo ahaa miino la aasay ayaa ka dhacay maanta barqadii Wadada u dhaxeyso degaanada Halgan iyo Booco ee gobolka Hiiraan
Sidoo kale saaka Mooto Bajaaj ay wateen Wiilal dhalinyaro ah ayaa qarax kale uu ku qabsaday Wadada u dhaxeyso Baladweyne iyo Degaanka Booco.
Waxaa ku dhintay ugu yaraan laba qof oo shacab ah halka qof kalena u ku dhawacamay sida ay sheegayaan dad goob joogayaal ah oo halkaas ku sugan.
Al-Shabaab oo laga saaray degaano badan oo ka tirsan gobolka Hiiraan ayaa haatan bilaabay iney qaraxyo ku aasaan wadooyinka isku xira degaanadii laga saaray qaarkood.
Xafiiska Shabakada Allbanaadir.com
Muqdisho Somalia
Allbanaadir@live.comÂ
