Ciidamada Mareykanka ee jooga Somalia ayaa shaaciyey in Isniintii ina dhaaftay ay duqeyn la beegsadeen fariisin Al-Shabaab ku leeyihiin meel 50-KM Waqooyi kaga toosan Magaalada Kismaayo ee gobolka Jubadda hoose.
Taliska Mareykanka Afrika AFRICOM ayaa war-saxaafadeed uu soo saaray ku sheegay in duqeyntan si gaar ah loola beegsaday goob ay ku sugnaayeen xubno ka tirsan Al-Shabaab.
Mareykanka ma sheegin khasaare nafeed oo Al-shabaab ka soo gaaray duqeyntan, balse wuxuu xusay inuu wado baaritaanada la xiriira weerarkan iyo helida xogta la xiriirta khasaaraha ka dhashay.
AFRICOM ayaa sidoo kale sheegtay in duqeyntan ay ka dhacday meel ku dhaw goobtii lagu dilay askari Mareykan ahaa, bishii June ee sanadkan, lana fuliyey ka dib weerarkii Isniintii  al-shabaab ku qaadeen Baar-sanguuni.
Xafiiska Shabakada Allbanaadir.com
Muqdisho Somalia
Allbanaadir@live.com
