Ciidamada milatariga dalka Eritrea ayaa duullaan culus ku qaaday gobolka Tigrey ee Waqooyiga Itoobiya, waxa ayna ciidamada dagaal adag kula jiraan ciidamo katirsan kooxda TPLF ee maamula gobolka Tigrey.
Warar soo baxaya ayaa sheegaya in milatariga Eritra ka gudbeen xadka ay Itoobiya la wadaagaan gaar ahaan gobolka Tigrey, waxa ayna ciidamada weerar culus ku qaadeen fariisimo ay lahaayeem kooxda TPLF.
Afhayeenka kooxda TPLF, Getachew Reda ayaa sheegay in ciidamada Eritrea kasoo gudbeen xadka ayna weerar kusoo qaadeen ciidankooda, waxa uuna xusay in uu socday dagaal ay isaga difaacayaan duullaanka ciidamada Eritrea.
“Eritrea waxay ciidankeeda oo dhan keeneysaa halkan iyo xitaa kuwa keydka ah. Ciidankeennu waxay si geesinnimo leh u difaacayaan meelaha ay ku sugan yihiin,” ayuu yiri afhayeenka TPLF.
Ciidamada Federaalka Itoobiya ayaa sidoo kale qeyb ka ah dagaalka ka socda gobolka Tigrey, dagaalkan ayaana imaanaya xilli dhawwaan burburtay heshiis xabbad joojin lahaa oo socday dhoorkii bilood ee lasoo dhaafay.
Xafiiska Shabakada Allbanaadir.com
Muqdisho Somalia
Allbanaadir@live.com
