Xaafad ka tirsan degmada Dharkeynley ee magaalada Muqdisho waxaa caawa lagu dilay Nabadoon caan ah oo ka tirsanaa dadka degaanka.
Marxuum Nabadoon Cabdullaahi Nuur Garaad (Seefle) ayaa waxaa rasaas ku furay rag bastoolado ku hubeysan oo weerar ku soo qaaday sida ay sheegayaan dad goob joogayaal ah.
Kooxihii dilka fuliyey ayaa goobta ka baxsaday, iyadoo marxuumkana uu isla goobta ku geeriyooday.
Marxuum Nabadoon Cabdullaahi Nuur Garaad “Seefle” ayaa ahaa nin afgaaban oo cibaado badan sida ay sheegeen dadka aqoonta u leh.
Ma jirto cid sheegatay dilka nabadoonka inkastoo dilalka noocan ah looga bartay kooxda Al-shabaab oo dagaal kula jirta dowlada Somalia iyo ciidamada shisheeye ee taageeraya.
Xafiiska Shabakada Allbanaadir.com
Muqdisho Somalia
Allbanaadir@live.com
