Ciidanka dowladda Soomaaliya ayaa habeen hore weerar ku qaaday deegaan lagu magacaabo Aboorey oo kuyaalla duleedka degmada Buulaburte, waxa ayna ciidamada halkaasi ku dileen dagaalyahano badan oo katirsanaa Al Shabaab.
Warbaahinta dowladda iyo baraha bulshada ayaa lagu baahiyay sawirro iyo muuqaalo laga soo duubay dagaalyahanadii Al Shabaab ee dagaalka lagu dilay, waxaa sidoo kale baraha bulshada lasoo dhigay meydadka laba nin la dilay, kuwaa oo madaxyada laga jaray.
Wasiir kuxigeenka wasaaradda warfaafinta Soomaaliya Cabdiraxmaan Al Cadaala ayaa qoraal uu soo saaray ku sheegay in Al Shabaab horey usii qaateen madaxyada labo kamid ah xubnihii looga dilay dagaalkii Aboorey.
Waxa uu sheegay wasiirka in ciidamada heleen meydadka labo nin oo madaxyadooda horey usii qaateen Al Shabaab, waxa uuna xusay in aysan ogeyn sababta sidaas u sameeyeen Al Shabaab, balse tuhmayaan in ragaasi ahaayeen saraakiil sar sare ,oo ay doonayaan in aan la aqoonsan.
Muqdisho Somalia
Allbanaadir@live.com
