Dagaalyahano aad u hubeesan oo katirsan Al Shabaab ayaa shalay subax weerar xoogan oo isugu jiray is miidaamin iyo mid toos ah waxa ay ku qaadeen xero ciidanka Milatariga Soomaaliya iyo kuwa Jubbaland ka degnaayeen Deegaanka Baar Sanguuni.
Dagaalka ka dhacay Baar Sanguuni waxaa ka dhashay khasaaro badan oo isugu jira dhimasho iyo dhaawac labada dhinac soo gaaray, waxaa sidoo kale jira hub iyo rasaas dagaalka lagu kala qabsaday.
Al Shabaab ayaa sheegtay in dagaalka ku dishay in ka badan 20-askari sidoo kale labo askari iyaga oo nool qabteen , waxa ay sidoo kale Shabaab sheegeen in ay la wareegeen xerada Ciidanka ee Baar Sanguuni.
Dhinaca kale dowlada Soomaaliya ayaa dhankeeda guulo ka sheegatay dagaalka, waxaana war kasoo baxay dowlada lagu sheegay in dagaalka lagu dilay dagaalyahano badan oo katirsan Al Shababa sidoo kale laga furtay saanad ciidan.
Sawirada Al Shabaab soo bandhigeen ayaa muujinaya iyaga oo gudaha ugu jira deegaanka Baar Sanguuni gaar ahaan xerada ay degnaayeen ciidanka Milatariga Soomaaliya iyo kuwa maamulka Jubbaland.
Xafiiska Shabakada Allbanaadir.com
Muqdisho Somalia
Allbanaadir@live.com
