Madaxweynaha Somalia Xasan Shiikh ayaa tacsi u diray Dowlada Ingiriiska geeridii ku timid Boqoradii Dalkaas Queen Elizabeth II oo caawa geeriyootey .
“Waxaan tacsi tiiraanyo leh u dirayaa dawladda, shacabka iyo qoyska boqortooyada UK ee ay ku geeriyootay Boqorada Ingiriiska Queen Elizabeth II. Boqoraddu waxay qarankeeda & muwaadiniinteeda ku mataleysay sharaf iyo karaamo aad u weyn gudaha iyo masraxa adduunka intii ay xukunka haysay” ayuu yiri Xassan Shiikh oo qoraal ku baxay luuqada Englishka soo dhigay bartiisa Twitterka.
Madaxda dalalka caalamka ayaa sidoo kale ka tacsiyadeynaya geerida boqorada, iyadoo calanka dalka Britain hoos loo dhigay.
Boqoradda oo gaartay da’da 96 jir, waxay noqonaysaa boqoraddii ugu cimriga iyo xukunka dheerayd taariikhda boqortooyada Ingiriiska 70 sano ayeyna boqorad aheyd.
