Guddoomiyaha Golaha Baarlamaanka Galmudug Dr Maxamed Nuur Gacal ayaa shir guddoomiyay fadhigii maanta waxaana ku wehlisay Gudoomiye ku xigeenka labaad Marwo Faadumo Cabdi Cali.
Ajendaha kulanka maanta ayaa ahaay:
- Akhrinta 3aad & Ansixinta Hindise-Sharciyeedka Guddiga Madaxa-bannan ee Doorashada Galmudug.
- Akhrinta 3aad & Ansixinta Hindise-Sharciyeedka Ururada & Xisbiyada Siyaasadda ee Galmudug.
Ugu horeyn, Guddoomiyaha Golaha Baarlamaanka Galmudug Dr Maxamed Nuur Gacal ayaa ku soo dhaweeyay Guddiga Dastuurka, Dib-u-hishiisinta iyo Arrimaha Gudaha Golaha Baarlamaank Galmudug oo akhriska 3-aad ku samaynayey Hindise-Sharciyeedka Gudigga Madaxa-bannan ee Doorashada Galmudug iyo Hindise-Sharciyeedka Ururada & Xisbiyada Siyaasadda ee Galmudug, Gudigga ayaana codsaday in la ansixiyo Labada Sharci
Qaar kamida Xildhibaanadda ayaa soo jeediyay in wax laga badalo Qodobka 9-aad ee Hindise-Sharciyeedka Gudigga Madaxa-bannan ee Doorashada Galmudug qodobkaas oo sheegayana in Tirada guddiga ka kooban yahay 11 xubnood soo jeedinta kadib Gudoomiyaha ayaana cod u qaaday wax ka badalka Qodobka 9aad Xildhibaanadda ayaa hab gacan taaga ku ansixiyay in laga dhigo 7 xubnood.
Intaa kadib Xildhibaanadda ayaa Ansixiyay Hindise-Sharciyeedka Guddiga Madaxa-bannan ee Doorashada Galmudug waxaana u codeeyay 48 Mudane waxaa diiday Labo(2) waxaana ka aamusay hal(1)
Sidoo kale, Golaha Baarlamaanka Galmudug ayaa Ansixiyay Hindise-Sharciyeedka Ururada & Xisbiyada Siyaasadda ee Galmudug waxaana u codeeyay 51 Mudane waxaa diiday Ebar(0) waxaana ka aamusay Ebar(0).
Ugu danbayntii, Wasiirka Wasaaradda Arrimaha Gudaha iyo Dib-u-hishiisiinta Galmudug ayaa Golaha Baarlamaanka Galmudug ugu mahadceliyay labada Sharci ee maanta la ansixiyay, waxa uu sheegay in labada Sharci muhiim u yihiin Dawlad Goboleedka Galmudug Laguna dhaqmi doono marka uu Madaxweynuhu saxiixo.
