Ciidamada Nabad Sugida Jubbaland ayaa soo badhigay miino nooca dhulka lagu aaso oo ay sheegeen inay ka soo saareen waddo muhiim ah oo lagu aasay.
Saraakiil ka tirsan nabadsugida Jubbaland ayaa sheegay inay miinadaas ka soo saareen wadada xiriirisa degaanada Buula-Gaduud iyo Wirkooy ee duleedka magaalada Kismaayo ee gobolka Jubada hoose.
Ciidamada dowladda, Jubbaland iyo kuwa Kenya ee ka mid ah howlgalka AMISOM ayaa wadadaas si aad ah u isticmaala.
Lama sheegin cid loo soo qabtay howlgalka lagu soo saarey miinada oo ku soo beegmay xilli maanta dagaalo culus ay ka dhaceen degaanka Baar-sanguuni ee gobolka Jubadda hoose kuwaasoo u dhaxeeyey Al-Shabaab iyo Ciidamada Xooga dalka.
Xafiiska Shabakada Allbanaadir.com
Muqdisho Somalia
Allbanaadir@live.com
