Fagaare ku yaalla Magaalada Jilib ee gobolka Jubbada dhexe waxaa isugu soo baxay boqolaal ruux kuwaasoo ay iskugu yeereen Al-shabaab si ay u daawadaan xukun dil ah oo lagu fulinayay dad ku eedaysan falal jaajuusnimo.
Warbaahinta taageerta kooxda ayaa sheegtay in Illaa 5 ruux lagu dilay fagaare ay ugu magac dareen Macallin Aadan Xaashi waxayna ku eedaysnaayeen inay u basaasayeen sirdoonnada dowlado shisheeye.
Ma sheegin Al-Shabaab magacyada ragga ay dileen iyo kuwa ay ahaayeen sirdoonada ay u basaasayeen.
Al Shabaab ayaa dhowr jeer sidaan oo kale xukunno dilal ah ugu fulisay dad lagu eedeeyey jaajuusnimo.
