Dowladda Jarmalka ayaa ogolaatay bixinta lacag malaayiin dollar oo magdhaw ah , lacagtan ayaana lasiinayaa qoysaska ciyaartoy u dhalatay Israa’iil oo lagu dilay gudaha Jarmalka sannadkii 1972-dii.
Ciyaartoyda Israa’iil kasoo jeeda ee la dilay ayaa ka qeyb galayay ciyaarihii olombikada ee ka dhacay dalka Jarmalka sannadkii 1972-kii, waxaana inta aan la dilin kahor ciyaartoydan loo geestay afduub .
Wadahadalo muddo dheer u socday dowladda Jarmalka iyo ehelada ciyaartoyda la dilay 50-sanno kahor ayaa lagu dambeyn heshiis laga gaaray, waxa ayna dowladda Jarmalka ogolaatay in ay bixiso lacag gaareysa $28 milyan oo dollar oo magdhaw ah.
Lacagtan magdhawga ah ayaa loo qorsheeyay in ay kala bixiyaan dawladda Federaalka ee Jarmalka ayaa bixin doonta $22.5 million oo dollar, halka gobolka Bavaria uu isna bixin doono $5 milyan, maamulka magaalada Munich ayaa iyaduna bixinaya $500,000 .
Weerar afduub ah oo dalka Jarmalka ka dhacay bishii September ee sannadkii 1972 ayaa lagu dilay 11-qof oo ciyaartoy Israa’iil kasoo jeeday ,shan qof oo kasoo jeeday Falastiin iyo sidoo kale sargaal katirsanaa booliiska Jarmalka.
Xafiiska Shabakada Allbanaadir.com
Muqdisho Somalia
Allbanaadir@live.com
