Nin hubeesan ayaa weerar ku qaaday goob mashquul badan oo kutaala magaalada Toronto ee caasimada dalka Canada, waxaana weerarkan ka dhashay khasaaro isugu jiray dhimasho iyo dhaawac.
Muuqaal la duubay ayaa lagu arkayay nin biskoolad ku hubeesan oo toogasho ka geesanaya goob ay Maqaayado iyo xarumo ganacsi kuyaalaan oo katirsan magaalada Toronto.
Inta la xaqiijiyay weerarkan waxaa ku dhintay gabar dhalinyaro ah halka ay ku dhaawacmeen 13-qof oo kale, dadka dhaawacmay ayaana qaar kamid ah la sheegay in dhaawacyo xoogan soo gaareen.
Ciidamada booliiska oo goobta weerarka ka dhacay soo gaaray ayaa toogasho ku dilay ninkii weerarka ka dambeeyay, waxaana goobta dilku ka dhacay xiray ciidanka booliiska magaalada Toronto.
Booliiska ayaa wada baaritaamo ku aadan weerarkan ka dhacay magaalada Toronto, walina lama oga shaqsiyada ninka weerarkan ka dambeeyay cida uu ka tirsan yahay iyo ujeedka uu weerarka u geestay.
Xafiiska Shabakada Allbanaadir.com
Muqdisho Somalia
Allbanaadir@live.com
