Dowladda cusub uu hoggaamiyo Madaxweyne Xasan Sheekh Maxamuud ayaa dhawwaan ku dhawaaqday in uu bilaabanayo abaabul dagaal oo dalka dhan looga saarayo dagaalyahanada Al Shabaab.
Taliyaha Ciidanka Xoogga Dalka Gen. Odowaa Yuusuf Raage ayaa abaabul dagaal oo ka dhan ah Al Shabaab ka bilaabay gobolka Shabeelaha Hoose , oo kooxda Al Shabaab awood badan ku leeyihiin.
Jeneraal Odawaa oo la kulmay saraakiil ciidan ayaa u sheegay in uu bilaabanayo dagaal ka dhan ah Al Shabaab, waxa uuna xusay in howlgalka ka bilaaban doono gobolka Shabeelaha Hoose deegaanada ay ka joogaan Al Shabaab.
Taliyaha ciidanka xoogga Soomaaliyeed ayaa sheegay in dagaalka ka socda gobolka Hiiraan ee Al Shabaab looga xureenayo, sidoo kale ka bilaabanayaan dhammaan gobolada dalka si loo soo afjaro awoodda kooxdaasi.
Dowladda cusub uu hoggaamiyo Madaxweyne Xasan Sheekh ayaa qorsheeneysa in ay qaado guluf dagaal oo ka dhan ah kooxda Al Shabaab oo awood badan ku leh qaar kamid ah gobolada dalka.
Xafiiska Shabakada Allbanaadir.com
Muqdisho Somalia
Allbanaadir@live.com
