Ku-simaha Ra’iisul Wasaaraha xukuumadda Soomaaliya ahna Ra’iisul xigeenka Dalka mudane Salah Jama, ayaa maanta Xafiiskiisa ku qaabilay safiirka dowladda UK ee Soomaaliya Mrs. Kate Foster.
Kulanka dhax maray Ra’isul Wasaare kuxigeenka dalka iyo safiirka dowladda Ingiriiska ayaa looga wada hadlay xoojinta xiriirka & iskaashiga u dhaxeeya labada dal ee Soomaaliya iyo Uk.
Waxaa sidoo kale kulankan diirada lagu saaray xaaladda guud ee dalka ee dhinacyada siyaasadda, horumarinta, dhaqaalaha, amniga iyo arrimaha Abaaraha iyo sidii dowladda UK gacan uga siin laheyd dowladda arrimahaasi.
Dowladda Ingiriiska ayaa kamid ah dowladaha sida weyn u taageera Soomaaliya, waxa ayna mar kale Soomaaliya u balanqaaday in ay ka taageereyso dhinacyo kala duwan oo muhiim u ah dadka Soomaaliyeed.
Xafiiska Shabakada Allbanaadir.com
Muqdisho Somalia
Allbanaadir@live.com
