Madaxweynaha Puntland Mudane Siciid Cabdullaahi Deni, ayaa Qasriga Madaxtooyada ku qaabilay wafdi ka socda Dowladda Federaalka ee Soomaaliya oo uu hoggaaminayo Wasiirka Arrimaha dibedda Mudane Abshir Cumar Huruuse.
Waxaa Madaxweynaha kulanka ku weheliyay Madaxweyne Ku-xigeenka DPL Mudane Axmed Cilmi Cismaan Karaash.
Wasiirka Arrimaha dibedda Mudane Abshir Cumar Huruuse oo hogaaminaya wafdi hordhac u ah Madaxweynaha Somalia oo maalmaha soo socda ku wajahan magaalada Garoowe.
Dhinaca kale, Madaxweynaha Dowladda Puntland Mudane Siciid Cabdullaahi Deni ayaa maanta Qasriga Madaxtooyada kulan kula qaatay qaar ka mid ah isimada Puntland, waxaana ku weheliyay Madaxweyne Ku-xigeenka DPL Mudane Axmed Cilmi Cismaan Karaash iyo qaarka mid ah xubnaha Golaha Wasiirada.
Isimada Puntland ayaa u taagan ka shaqeynta nabadeynta bulshada iyo horumarka Puntland iyo guud ahaan Soomaaliya, waxaana Madaxweynuhu ku boggaadiyey sida wanaagsan ee ay uga shaqeeyaan nabadda iyo xasiloonida Bulshada.
