Maxkamadda gobolka Banaadir ayaa maanta u fariisatay dhageysiga Gal-dacwadeed eedeysanayaal ay ka yihiin, Ciyaal weero.
Waxaa lagu soo qabqabtay howlgalka Samakaab oo ay ciidanka Booliska Soomaaliyeed ka fuliyeen qaar ka mid ah degmooyinka gobolka Banaadir.
Eedeysanayaasha oo gaaraya 11 ruux ayaa laga soo qabtay degmada Yaaqshiid waxaana ay ka kala tirsanaayeen ilaa saddax kooxood oo ka mid ahaa ciyaal weeraradaa waxaana ay kala yihiin, Ciyaal buulo, Ciyaal Tusbaxleey iyo Ciyaal Kaaro, waxaana goob joog ka ahaa maxkamada qaar waalidiinta ciyaal weerarada
Xubnaha la soo eedeeyey oo ay ku jiraan caruur iyo rag dhalinyaro ah ayaa hadii lagu helo dembiga lagu soo eedeeyey waxay wajahayaan xabsi.
Kooxaha la baxay ciyaal weerarada ayaa mudooyinkan ka waday degmooyin ka tirsan Muqdisho falal amaan daro oo ay ka mid yihiin, jidgooyo, dil, kufsi iyo falal kale oo bulshada dhibaato ku ah.
