Guddoomiyaha gobolka Banaadir ahna duqa magaalada Muqdisho Mudane Cumar Maxamud Maxamed (Cumar Filish) oo booqday hotel Hayaat ayaa Warbaahinta u sheegay in uu murugada la wadaagaya Ehelada walaalihii Soomaaliyeed ee ku shahiiday weerarkii ka dhacay Hotelkaas.
Duqa Magaalada Muqdisho Mudane Cumar Filish ayaa ciidanka Amniga uga mahad celiyay sida ay marwalba naftooda ugu horaan badbaadinta shacabka Soomaaliyeed.
Guddoomiyaha gobolka Banaadir ahna duqa magaalada Muqdisho Mudane Cumar Maxamud Maxamed (Cumar Filish) ayaa ku baaqay in loo midoobo la dagaalanka wax uu ugu yeeray Argagixisada iyo cirib tirkooda si Ummada Soomaaliyeed ay ugu noolaadan Nabad iyo Horumar.
Cumar filish ayaa xusay in weerarkaas dadka lagu dilay iyo kuwa dhaawaca ah ay dhamaantood ahaayeen shacab aan waxba galabsan taasinaay muujineyso in Al-shabaab ay yihiin cadowga shacabka Soomaaliyeed.
Dad ka badan 20 qof ayaa ku naf waayey, ku dhowaad 120 kalena wey ku dhaawacmeen weerar socday 24 saac ka badan oo dabley ka tirsan Al-shabaab ay ku galeen hotelka Xayaat ee magaalada Muqdisho.
