Madaxweynaha Hirshabeelle Mudane Cali Guudlaawe Xuseen iyo Madaxweyne Ku Xigeenka maamulka Mudane Yuusuf Axmed Hagar ayaa maanta Degmada Maxaas ka dhagax dhigay garoon diyaaradeed oo halkaas laga hirgalin doono.
Madaxweyne Cali Guudlaawe ayaa sheegay in dhismaha garoonkan uu muhiim u yahay bulshada degmada Maxaas, waxa uuna ugu baaqay dhamaan shacabka degmada inay u istaagaan dhismaha garoonkan.
Degmada Maxaas oo kamid ah deegaanada ay Al Shabaab go’doomiyeen ayaan laheyn wax garoon diyaaradeed ah, waxaana bulshada ku dhaqan deegaankaasi baahi weyn u qabaan helida garoon iyo in waddooyinka xiran loo furo.
Garoonkan diyaaradeed ay dhagax dhigeen madaxda ugu sareysa maamulka Hirshabelle ayaan sidoo kale la ogeyn in hirgalintiisa ka dhabeyn doonaan, waxaana waxba laga qaban mashaariic dhoor ah oo madaxdan horey u dhagax dhigeen.
.
Xafiiska Shabakada Allbanaadir.com
Muqdisho Somalia
Allbanaadir@live.com
