Kooxo hubaysan ayaa xalay woqooyiga Magaalada Gaalkacyo waxay ku dileen sarkaal sare oo ka tirsanaa shaqaalaha Wasaaradda Maaliyadda maamulka Puntland.
Cabdiraxmaan Maxamed Cabdi oo kamid ahaa shaqaalaha Wasaaradda Maaliyadda ayaa lagu dhuftay dhowr xabadood oo ay la beegsadeen rag bastoolado ku hubeysnaa oo weerar ku soo qaaday.
Dilka kadib waxaa goobta isaga baxsaday dableyda hubeysan ee dilka geysatay, sida ay inoo shegeen dad goobjoogayaal ah.
Waxaa socda baaritaano la xiriira dilkan, iyadoo Saraakiil ka tirsan Laamaha Amniga ay sheegeen inaysan jirin weli cid loo qabtay dhacdadaas.
Ma jirto cid sheegtay masuuliyadda dilkan ka dhacay magaalada Gaalkacyo, inkastoo dilalka noocan ah looga bartay kooxda Al-Shabaab
