Ciidamada booliiska gobolka Banaadir ayaa howlgal ay ka sameeyeen qaar kamid ah degmooyinka gobolka Banaadir, waxa ay kusoo qabteen burcad dhac iyo dhibaatooyin kalaba u geesanayay dadka shacabka.
Burcadan lasoo qabtay ayaa la sheegay in ay ahaayeen kooxo dhac u geesta dadka shacabka , waxa ay sidoo kale burcadan dhac u geesanayeen mootooyinka loo yaqaan bajaajta oo qaarkood lasoo qabtay.
Ciidamada ammaanka ayaan howlgal ay si gaar ah uga sameeyeen degmooyinka Kaaraan ,Yaqshiid iyo Hiliwaa kusoo qabqabtay kooxaha burcada ah, oo qaarkood la sheegay in ay hubeesnaayeen markii la qabanayay.
Taliyaha qeybta Bari ee Booliska Gobolka Banaadir Gaashaanle Cali Calasow Xasan ( Goofjooge) ayaa sheegay in howlgalkan ay ku baadi goobayeen haraadiga rag burcad ah iyo kuwo isticmaala maanka dooriya oo dhibaato ku hayay Shacabka.
Ragan burcada ah ee lasoo qabtay ayuu sheegay taliyaha in ay ku jiraan kuwa dil geestay, kuwa xabsi ka baxdaday iyo sidoo kale ciyaal weero ciidamada xogtooda hayeen kuna daba jireen.
Waxa uu sheegay taliyaha in ciidamada booliiska sidoo kale soo qabteen mootooyin nuuca bajaajta ah ay dhaceen burcada lasoo qabtay ,kuwaa uu tilmaamay in aysan wali aqoon dhibanayaashii laga soo dhacay.
Taliyaha ayaa sheegay in ciidamada amniga u taagan yihiin sidii ay tallaabo uga qaadi lahaayeen kooxaha buracada ah ee caadeestay dhibaatada shacabka, waxa uuna xusay in aysan joojin doonin howlgalada wadaan inta ay ka sifeenayaan burcada.
Xafiiska Shabakada Allbanaadir.com
Muqdisho Somalia
Allbanaadir@live.com
