Madaxweynaha Dowlad Goboleedka Koonfur Galbeed Mudane Cabdicasiis Xasan Maxamed Laftagareen iyo Wafdi uu Hogaaminayo ayaa gaaray Magaalada Jig-jiga ee Dowlad Deegaanka Soomaalida.
Garoonka Diyaaradaha Magaalada Jig-jiga Wafdiga Madaxweynaha waxaa kuso dhoweyey Madaxweynaha Dowlad Deegaanka Soomaalida Mudane Mustafe Muxamed, Wasiiro, Xildhibaano, Saraakiil Ciidan iyo Qeybaha kala duwan ee Bulshada.
Socdaalka Madaxweyne Cabdicasiis Laftagareen ee Magaalada Caasimada Jig-jiga ayaa ku qotoma sidii isaga iyo Madaxweyne Mustafe ay uga wada hadli lahayeen Iskaashi ku qotoma Xaqiijinta Amniga labada Xuduud, iyo la Dagaalanka Alshabaab
Madaxweynaha dowlad degaanka Soomaalida ayaa sheegay in kulankoodu salka ku hayo sidii Alshabaab looga sifeyn lahaa xuduudda ay wadaagaan labada Deegaan.
Al-shabaab ayaa dhowaan weeraro culus oo lagu hoobtay ku qaaday dowlad degaanka Soomaalida, iyagoo ka talaabay xadka gobolada Bakool iyo Hiiraan la wadaagaan degaankaas.
