Waaxda Arrimaha Gudaha Dowladda Mareykanka (Homeland Security) ayaa u ogolaatey ku dhowaad 500 oo Somali ah, in loo cusbooniisiyo sharciga TPS-ka loo yaqaanno oo ah sharci KMG oo badbaado siinaya qaxootiga Mareykanka ku nool ee aanan haysan dhalashada dalkan.
Go’aankan waxaa soo dhoweeyey Hayadaha u dooda xuquuqda Qaxootiga iyo Sharci-dejiyaasha Mareykanka ee wadey ololaha ah in dadka dib loogu cusbooneysiiyo sharciga
Tallaabadan ayaa u saamaxeysa boqollaalkan ruux inay sharci ku joogaan kagana shaqeystaan dalkan Mareykanka.
Shantan boqol ee somalida ah ayaa horey ugu joogay waddankan isla sharcigan TPS-ka oo ah sharci badbaado KMG siinaya qaxootiga Soomaliyeed ee aanan sifo amni awgeed dalka Somalia dib loogu celin karin.
Muddo badan ayaa laga cabsi qabay in maamulka Trump uu dib ugu cusbooneysiin waayo, taasoo horseedi laheyd in Mareykanka laga masaafuriyo.
Xafiiska Shabakada Allbanaadir.com
Muqdisho Somalia
Allbanaadir@live.com
