Al-Shabaab ayaa maanta barqadii degaanka Girilleey ee gobolka Gedo ku dilay laba ruux oo walaalo ah kuwaasoo lagu eedeeyey inay u basaasayeen sirdoonka dowladda Kenya.
Cabdisalaan Cusmaan Buraash iyo walaashiis Aamino Cusmaan Buraash ayaa la dilay markii lagu helay iney basaasiin u ahaayeen Kenya sida ay sheegtay Al-shabaab
War rasmi ah oo kasoo baxay Al Shabaab ayaa lagu sheegay in dadka la dilay ay qirteen iney u shaqeynayeen sirdoonka Kenya.
Degaanka Girilleey wuxuu hoostagaa degmada Ceelwaaq oo kaabiga ku haysa xuduuda Kenya iyo Soomaaliya.
Maalmo ka hor ayey markii Al-Shabaab ay goob fagaare ah ku toogatay lix ruux oo lagu eedeeyey iney basaasiin ahaayeen.
