Wasiirka Wasaaradda Gargaarka iyo Maareynta Masiibooyinka Jubbaland Cabdiraxmaan Axmed Cabdi ayaa sheegay in maamulkiisa laga qadiyey lacag dhan 1 Milyan ah oo ay Xukuumadii Rooble ugu tala gashay gurmadka abaaraha dalka
waxaa uu xusay in Jubbaland aysan lacagtaas waxba ka helin, balse la siyaasadeeyay.
“Barnaamijka lacagta halka Milyan ah waa la siyaasadeeyay waana arrin cad Jubbaland wax ay maanta sheegan karto oo la taaban karo oo ay lacagtaas ka heshay ma jiro oo aan ka ahayn laba jeer oo laba mar lasoo diray min 10 kun” ayuu yiri Wasiirka Gargaarka Jubbaland.
Sidoo kale, Wasiirka ayaa tilmaamay in deeqda Doaladda Soomaaliya ay hesho sida raashiinka iyo lacagba aysan soo gaarin Jubbaland, balse taasi badalkeeda lacagihii ama deeqda waxay noqdeen kuwa lagu raadsado xilil kala duwan.
Eedeyntan ayaa ku soo aadeysa xili xili deegaano ka tirsan dowlad goboleedka Jubbland ay ka jirto abaar daran oo saameysay dadka iyo duuniyada isla markaana u baahan in gurmad lala gaaro.
