Ciidamada Nigeria ayaa sheegay inay heleen laba gabdhood oo kooxda Boko Haram ay ka afduubteen dugsi sare sideed sano ka hor.
Labada gabdhood ee haatan la soo helay ayaa waxay wataan carruur, waxayna u muuqataa inay uur qaadeen intii ay gacanta ugu jireen kooxdaasi.
Sanadkii 2014-kii ayey aheyd markii kooxdaasi islaamiga ah ku dhawaad 300 oo gabdhood ka qafaasheen magaalada Chibok ee Waqooyi Bari dalka Nigeria.
Tan iyo xiligaas, inta badan dhibanayaashaasi ayaa la soo daayay, qaarkoodna way soo baxsadeen balse weli tobaneeyo ayaa la la’ayahay meel ay jaan iyo cirib dhigeen.
