Qarax xooggan ayaa maanta barqadii ka dhacay Magaalada Muqdisho, kaasoo si weyn looga maqlay meelo badan oo ka tirsan caasimada.
Wararka ayaa sheegaya in qaraxan uu ka dhacay guri lagu diyaarinayey oo ku yaalla xadka degmooyinka Dharkeynley iyo Kaxda ee gobolka Banaadir.
Qaraxa ayaa la rumeysan iney ku dhinteen raggii guriga ku dhex diyaarinayey oo aan tiradooda la ogeyn, waxaana meydkooda oo jarjarmay laga helay guriga iyo agagaarkiisa.
Sidoo kale qaraxan ayaa burbur baaxad leh u geystay dhismaha lagu diyaarinayey oo ahaa guri weyn, waxaana sidoo kale qaraxaas uu waxyeelo u geystay guryo kale oo ku dhowaa.
Laamaha ammaanka dowlada Somalia iyo maamulada labada degmo ee Dharkeynley iyo Kaxda ayaa gaaray dhismaha uu ka dhacay qaraxan halkaasoo ay ka sameeyeen baaritaano inkastoo illaa hadda aysan wax war ah ka soo saarin.
HOOS KA DAAWO SAWIRADA GURIGA
