Wararka ka imaanaya deegaanka Toora-tooroow ee gobolka Shabeelaha Hoose ayaa sheegaya in diyaarado dagaal oo loo maleenayo in Mareykanka leeyihiin xalay saqdii dhaxe duqeyn ka geesteen Toora-tooroow.
Dadka deegaanka ayaa ku waramay in ay maqlayeen guuxa diyaaado iyo madaafiic lagu garaacayo qeybo kamid ah deegaanka Toora-tooroow oo kamid ah goobaha ay maamulaan dagaalyahanada Al Shabaab.
Duqeynta kadib ayaa la sheegay ciidamo si gaar ah u tababaran oo la socday diyaarado dagaal in ay ku daateen gudaha deegaanka Toora-tooroow, ciidamada ayaana beegsaday goobo bartilmaameed u ah.
Lama oga ilaa hadda khasaaraha ka dhashay duqeynta xalay ka dhacday deegaanka Toora-tooroow iyo sidoo kale howlgalka ciidamada kumaandooska Soomaaliya ka fuliyeen xaafado katirsan deegaankaasi.
Warar soo baxaya ayaa sheegaya in ciidamada howlgalka fuliyay gacanta kusoo dhigeen dagaalyahano katirsanaa Al Shabaab oo ku sugnaa goobo ay si gaar ah ciidamada u bartilmaameedsadeen.
Xafiiska Shabakada Allbanaadir.com
Muqdisho Somalia
Allbanaadir@live.com
