Golaha Sare ee Arrimaha Islaamka Dowlad degaanka Soomaalida iyo Maxkamadda Guud ee Shareecada Degaanka ayaa si wadajir ah u soo saaray War-murtiyeed lagu cambaaraynayo weerarkii Al-shabaab ku soo qaaday gobolka Afdheer.
Bayaan ka soo baxay golaha ayaa lagu sheegay in Al-Shabaab aysan u suurageli doonin damacooda ku aadan iney weeraro ka geystaan degaanka Soomaalida.
Golaha ayaa sheegay iney u mahad celinayaan ciidamada Liyu Boolis ee degaanka Soomaalida oo ay sheegeen iney gaashaanka u daruureem soona afjareen weerarkii Al-Shabaab.
Dhanka kalea qaar ka mid ah odayaal dhaqameedka Deegaanka ayaa cambaareeyay iskudayga Al-Shabaab,
Xoogaga Al-Shabaab ayaa weerar ku qaadey tuulooyinka dhaca xuduudka Soomaaliya iyo Itoobiya horaantii todobaadkan, iyadoo ay isaga hor yimaadeen dagaal fool ka fool ah ciidamada Liyuu booliiska ee dowlad deegaanka Soomaalida Itoobiya.
Inkastoo ay halkaasi wararka kasoo baxaya is badbadalayaan, ayaa haatan ciidamada Liyuu booliisku waxey sheegeen in ay dib isaga waabiyeen dagaal yahanada Al Shabaab.
Sidoo kale, cambaareynta ayaa waxaa qeyb ka ahaa Maxkamadda Shareecada, iyo odayaasha dhaqanka ee dowlad deegaanka Soomaalida Itoobiya.
