Dagaalo qaraar oo geystay ballaaran oo dhimasho iyo dhaawac leh ayaa ka dhacay degaano ku yaalla xadka gobolka Bakool uu la wadaago dowlad degaanka Soomaalida kaasoo dhexmaray Al-shababa iyo ciidanka Liyu Boolis
Sida wararku sheegayaan dagaalka ayaa bilowday markii xoogaga Al-shabaab ay weeraro xooggan ku qaadeen degaanada Yeed, Aato iyo Washaaqo oo dhamaan ku yaalla Bakool kaabigana u saaran xadka Itoobiya halkaasoo ay joogeen ciidanka Liyuu Boolis ee degaanka Soomaalida.
Dagaalka oo socday saacado fara badan ayaa waxaa ka dhashay khasaare aan tirakoob laheyn oo kala gaaray labada dhinac iyo shacabka degaanadaasi.
Sida wararku sheegayaan degmada Yeed waxaaa gacanta ku haya Al-Shabaab. hase ahaatee degaanada Aato iyo Washaaqo ayey dib uga baxeen.
Wararka ayaa sidoo kale sheegaya in Al-shabaab ay gudaha u galeen degmada Godgod oo ka tirsan dowlad Deegaanka Soomaalida iyadoo tuuladda lagu magacaabo Siifaan uu dagaal ka dhacay.
Isgaarsiinta degaanadaas ayaa go’an. Waaxaana adag in warar badan la hello, waxaana jira warar si weyn isku soo taraya oo sheegaya in meydadka boqolaal ka tirsan labada dhinac ay daadsan yihiin degaanadii lagu dagaalamay.
