Askari ka tirsan Ciidamada xoogga dalka Soomaaliyeed ayaa saaka lagu dilay bartamaha magaalada Balad-weyne ee gobolkla Hiiraan.
Dilka askariga ayaa yimid ka dib markii ay rasaas ku fureen kooxo bastoolaho ku hubeysan oo weerar ku soo qaaday
Askariga oo Magaciisa lagu soo koobay Indha-xaraar ayaa dad goob-joogayaal ah waxay sheegeen in xilliga la dilayay uu marayay wadada Buulo Yacquub oo ka tirsan Xaafada Buundoweyn ee Magaalada Beledweyne.
Raggii ka dambeeyay dilka askariga ayaa horay u sii qaatay Qori AK-47 ah oo uu watay ka hor inta aysan ka baxsan goobtaas.
Ciidamada Booliska iyo Millateriga ee ku sugan Beledweyne ayaa tegay halka uu dilka ka dhacay oo ay howlgallo baaritaano ah ka sameeyeen inkastoo aysan ku guuleysan soo qabashada raggii geystay dilka askariga
