Wasaaradda Caafimaadka dalka galbeedka Afrika ku yaalla ee Ghana ayaa sheegtay in ay xaqiijiyeen labadii kiis ee ugu horeeyay ee VIrus-ka Marburg, oo ah cudur aad u faafa oo la mid ah Ebola.
Hay’adda Caafimaadka Adduunka ee WHO ayaa sheegtay in labada bukaanba ay ku dhinteen Isbitaalka.
Sagaashan iyo siddeed qof ayaa ku jira karantiil iyadoo looga shakisan yahay inuu haleelay cudurkan
Fiidmeerta ayaa la ogaaday inuu kasoo faracmay feyraskan, saraakiisha ayaa dadka uga digay inay ka fogadaan godadka ay ku nooshahay fiidmeerta.
Waxaa si weyn looga cabsi qabaa inuu ku faafo cudurkan dalalka la deriska ah Ghana oo si weyn ugu nugul maadaama ay xuduudaha dalalkaas ay isaga gooshaan dad fara badan.
