Qarax nuuca miinada dhulka lagu aaso ayaa saakay ka dhacay agagaarka Isgooska Cali Kamiin ee degmada Wardhiigley, waxaana qaraxana lala beegsaday kolonyo gaadiid ah ay wateen ciidamo katirsan ATMIS.
Dadka deegaanka ayaa ku waramay in qaraxa miino oo meel fog laga hayay mar qura dhacay, xilli halkaasi marayeen gaadiidka ciidamada ATMIS, waxa uuna qaraxa khasaaro gaarsiiyay mid kamid ah gaadiidka ciidamada.
Qaraxa kadib ciidamada ATMIS ayaa rasaas furay, waxa ayna ciidamada halkaasi ka sameeyeen howlgal kooban , iyagoona markii dambe ciidamada ATMIS goobta isaga tagay horeyna usii watay socodkooda.
Wali lama oga inta uu la eg yahay khasaaraha ka dhashay qaraxan miino ee lala eegtay ciidamada nabad ilaalinta u jooga Soomaaliya ee ATMIS iyo rasaasta ay fureen, mana jiro ilaa hada laamaha amniga wax war ah ay kasoo saareen qaraxan.
Ciidamada ATMIS ee ku socdaala magaalada Muqdisho iyo duleedkeeda ayaa mararka qaar lala eegtaa qaraxyo miino oo wadooyinka loogu qariyo, waxa ayna ciidamada qaraxa kadib furaan rasaas xoogan oo waxyeelo kasoo gaarto dad shacab ah.
Xafiiska Shabakada Allbanaadir.com
Muqdisho Somalia
Allbanaadir@live.com
