Ciidanka Kumaandooska Danab Gaar ahaan Ururka 5-aad Guutada 16-aad ayaa howlgal qorsheesan oo ay ka sameeyeen duleedka magaalada Kismaayo ee gobolka Jubada Hoose ,ku dilay xubno katirsan dagaalyahanada Al Shabaab.
Warbaahinta dowladda Soomaaliya ayaa baahisay in ciidamada Danab howlgal ay ka fuliyeen deegaanka Labakuus oo katirsan Jubada Hoose ku dileen shan nin oo katirsan Al Shabaab oo mid kamid ah ku sheegeen sargaal .
Ciidamada Danab ayaa sidoo kale gacanta ku dhigay mid kamid ah dagaalyahanada Al Shabaab ee ku sugnaa goobta la weeraray, waxa ayna ciidamada la wareegeen hubkii ay wateen xubnihii katirsanaa Al Shabaab ay dileen.
Taliyaha Guutada 16-aad kumaandooska Danab ayaa warbaahinta dowladda u sheegay in goobta ciidamada weerareen aheyd meel Al Shabaab koontarool ku lahaayeen sidoo kale ku qaadi jireen xoolaha zakada ah.
Ciidamada Danab ayaa inta badan fuliya howlgalo qorsheesan oo ay ka fuliyaan goobo ay Al Shabaab joogaan, mana jiro ilaa hada wax war ah oo Al Shabaab kasoo saareen howlgalkan lagu dilay xubnaha la sheegay in kooxdooda katirsanaayeen.
Xafiiska Shabakada Allbanaadir.com
Muqdisho Somalia
Allbanaadir@live.com
