Ra’iisul Wasaaraha Xukuumadda Federalka ee Soomaaliya, Mudane Xamsa Cabdi Barre, ayaa uga tacsiyeeyay guud ahaan shacabka magaalada Jowhar, gaar ahaan dadka dhibaatada ka soo gaartay qaraxa maanta lagu weeraray hotel magaaladaasi kuyaalla.
Ra’iisul Wasaare, Xamse ayaa telefoonka kula hadlay Madaxweynaha Dowlad Gobolleedka Hirshabeelle, Cali Cabdullaahi Xuseen Guudlaawe, oo xog ka siiyay xaaladda iyo goobta qaraxu ka dhacay iyo khasaaraha ka dhashay.
Xamse Cabdi Barre ayaa u ballanqaaday Madaxweynaha Hirshabelle in uu garab taagan yahay maamulka iyo shacabka gobolka, gacanna ay ku siin doonaan sidii wax loogu qaban lahaa dadka ay waxyeelladu soo gaartay.
Qaraxa ismiidaaminta ah ee maanta lagu weeraray hotel kuyaalla magaalada Jowhar ayaa dhaliyay khasaaro badan oo isugu jirta dhimasho iyo dhaawac soo gaaray dad shacab ah iyo masuuliyiin katirsan maamulka Hirshabelle.
Xafiiska Shabakada Allbanaadir.com
Muqdisho Somalia
Allbanaadir@live.com
