Dowladaha Soomaaliya iyo Eritrea ayaa gaaray heshiis is faham ah oo labada dal ku xoojinayaan xiriirkooda, waxaana heshiiska labada dal gaareen kala saxiixday Madaxweynaha Soomaaliya Xasan Sheekh iyo Madaxweynaha Eritrea Isaias Afwerki .
Heshiiska is fahanka ee ay kala saxiixdeen Madaxda labada dal ayaa diiradda saarayay iskaashiga laba geesoodka ah ee dhinacyada kala duwan sida siyaasadda, diblomaasiyadda, dhaqaalaha, bulshada, dhaqanka, deegaanka, difaaca iyo amniga.
Wasaaradda Warfaafinta dowladda Eritrea ayaana baahisay heshiiska is fahamka ah ee kala saxiixdeen madaxda dowladaha Soomaaliya iyo Eritrea, waxa ayna labada Madaxweyne isla garteen in heshiiska labada dal la xoojiyo ayna sameestaan iskaashi cusub.
Madaxweynaha Soomaaliya Xasan Sheekh Maxamuud ayaana soo gabogabeeyay g safarkii uu ku joogay dalka Eritrea kuna soo laabtay Muqdisho, waxaana garoonka diyaaradaha Eritrea kasoo sagootiyay Madaxweynaha Eritrea.
Xafiiska Shabakada Allbanaadir.com
Muqdisho Somalia
Allbanaadir@live.com
