Dagaal u dhaxeeyay ciidamada dowladda Soomaaliya iyo Al-shabaab ayaa ka dhacay degaanka Bukurre oo hoostaga degmada Maxaas ee gobolka Hiiraan.
Dagaalka ayaa yimid kaddib markii ciidamo ka tirsan ciidamada Xoogaa dalka guutada 5-aad qeybta 27-aad ay weerar ku qaadeen fariisin Al-shabaab ku lahaayeen deegaanka Bukurre, taasoo keentay in labada dhinac dagaal culus dhaxmaro.
Taliyaha guutada 5-aad qeybta 27-aad ee ciidanka XDS Col. Maxamuud Xassan Ibraahim Baakay oo warbaahinta la hadlay ayaa sheegay iney weerarkaasi ku dileen 15-dagaalyahanno ayna ka furteen 5-qori oo Ak-47 iyo hal qori oo ah BKM.
Al-Shabaab wax war ah oo ku saabsan dagaalkan kama bixin, sidoo kale lama oga khasaaraha rasmiga ah ee dagaalkan marka laga yimaado sheegashada ciidamada dowlada.
Ciidamada XDS ayaa deegaanada u dhaxeeya Maxaas Matabaan iyo Beledweyne ka wada nuddo bil ka badan howlgal ka dhan ah Al Shabaab
