Ciidanka Booliska Soomaaliya ayaa mamnuucay in Mootooyinka bajaajta loo yaqaan aysan socon karin wixii ka dambeeya 12:00 saq dhexe ama lix saac habeenimo.
Afhayeenka Booliska Somalia Cabdifataax Aadan Xassan ayaa sheegay in wixii ka dambeeya lix saac oo habeenimo la mamnuucay inay socdaan Mooto Bajaaj
Talaabadan ayuu sheegay iney la xiriirto  hawlgallo ka socda Muqdisho, kuwaasoo burcadda looga hortagayo.
Afhayeenka oo Warbaahinta kula hadlay magaalada muqdisho ayaa waxaa uu sheegay in uu geba-gabo yahay wajiga koowaad oo howlgalka loogu maga daray samakaab, kaasoo lagu soo qabtay kooxo burcad ah iyo kuwo waxyaabo maanka dooriya isticmaala.
Sidoo kale wuxuu sheegay in ciidamada Booliska Soomaaliya ay gacanta u hayaan Mootooyin Bajaaj dadka lagu dhici jiray iyo kuwa ka Ganacsan jiray waxyaabaha maanka dooriya oo laf dhabar u ahaa amni darrada ka jirta Amniga Magaalada Muqdisho.
