Madaxweynaha Dowlad Goboleedka Koonfur Galbeed Mudane Cabdicasiis Xasan Maxamed Laftagareen ayaa xarunta Madaxtooyadda ee magaalada Baydhabo ku qaabilay wafdi ka socday Dowladda Turkiga.
Wafdiga ka socday dowladda Turkiga ayaa magaalada Baydhabo ee xarunta KMG ee Koonfur Galbeed u tagay sidii gargaar ay u gaarsiin lahaayeen dadka danta yar ee ku nool Magaaladda Baydhabo.
Madaxweynaha Koonfur Galbeed Cabdicasiis Laftagareen ayaa uga warbixiyay wafdiga ka socday dowladda Turkiga xaalada abaaraha ee ku dhuftay deegaanada Koonfur Galbeed iyo baahiyaha gaarka ah ee qabaan dadka Baydhabo kusoo barakacay.
Wafdiga dowladda Turkiga ayaa sheegay intii karaankooda ah in gacan ka geesan doonaan caawinta iyo wax u qabashada dadka abaarta saameesay iyo dadka kale ee danta yar ee ku sugan xeryaha barakacayasaha ee xeryo kuyaalla Baydhabo.
Xafiiska Shabakada Allbanaadir.com
Muqdisho Somalia
Allbanaadir@live.com
