Ra’isul Wasaaraha Itoobiya Abiy Axmed iyo hoggaamiyaha militeriga Sudan Jen. Cabdel Fataax Al Burhaan ayaa heshiis hordhac ah a gaaray xiisada milateri ee u dhexeysa labada dal ee deriska ah.
Labada hogaamiye oo kulan ku yeeshay Nairibi ayaa ku heshiiyay si nabad ah loo xalliyo muranka in muddo ah ka taagnaa xuduudda labada dal ee horseeday dagaalka.
“Waxaan labadeena ku heshiinay in labada dal ay isla meel dhigeen tallaabooyin iskaashi ah oo ay si nabad ah uga wada shaqeynayaan arrinta” ayuu yiri Abiy oo qoraal soo dhigay bartiisa Twitter-ka.
Abiy wuxuu hadalkiisa sii raaciyay “waxaana naga go’an wadahadal iyo in xal nabadeed lagu xalliyo arrimaha taagan”
Hoggaamiyaha militeriga Suudaan ayaa dhinaciisa sheegay in kulanka uu ahaa mid miro dhal ah oo lagu guuleystay, ayna sii socon doonaan wadahadalada
Heshiiskan hordhaca ah ayaa yimid xilli dhawaan ay cidamada labada dal ku dagaalameeb degaanka Al Fashaqa oo ay ku muransan yihiin Sudan iyo Itoobiya.
Xafiiska Shabakada Allbanaadir.com
Muqdisho Somalia
Allbanaadir@live.com
