Ra’iisul Wasaaraha Xukuumadda federaalka Soomaaliya Mudane Xamse Cabdi Barre ayaa xafiiskiisa ku qaabilay safiirka Midowga Yurub u fadhiya Soomaaliya Tiina Intelmann iyo xubno la socday.
Xamse Barre iyo Danjire Tiina Intelmann ayaa kulan ay yeesheen uga wada hadlay xoojinta mashaariicda horumarineed ee Midowga Yurub ka taageero Dowladda Soomaaliya ,iyadoo lagu saleynayo howlaha hortebinta u leh Dowladda.
Ra’isul Wasaaraha cusub ee xukuumadda Soomaaliya Xamse Cabdi Barre ayaa kulamo kala duwan la qaadanaya wakiiladda beesha caalamka u jooga Soomaaliya, kuwaa uu kala hadlayo taageerada dowladda cusub.
Xamse Barre ayaa raadinaya taageerada wakiiladda beesha caalamka gaar ahaan dowladaha sida weyn u taageera Soomaaliya , waxaana la filayaa in Ra’isul Wasaaraha kulamo kale la qaato wakiillo kale oo katirsan beesha Caalamka.
Xafiiska Shabakada Allbanaadir.com
Muqdisho Somalia
Allbanaadir@live.com
