Midowga Yurub ayaa Soomaaliya siin doona ku dhawaad 140 milyan oo Yuuro sanadkan si ay u taageeraan isbedellada siyaasadeed iyo kuwa dhaqaale iyo in ay xoojiyaan adkeysiga dalka iyadoo la eegayo saameynta xun ee kadhalatay isbedelka cimillada.
Guddoomiyaha Midowga Yurub ee iskaashiga caalamiga Jutta Urpilainen ayaa ku dhawaaqday in 27-ka xubnood ee Midowga Yurub ay sanadkan kordhinayaan qoondada ay siiyaan Soomaaliya iyo guud ahaan gobolka Geeska Afrika.
Inta badan maalgelintan waxay aadi doontaa dib-u-habaynta dhaqaalaha iyo dhisidda adkeysiga isbeddelka cimilada.
“Midowga Yurub wuxuu sidoo kale bixin doonaa €13.5 milyan oo taageero miisaaniyadeed ah si loo joogteeyo siyaasadda Soomaaliya si ay ugu lug yeelato dib u habeynta iyo sidoo kale xirmo € 125 milyan ah sanadka 2022 si loo taageero dowlad dhisidda, dib-u-habeynta dhaqaalaha iyo adkeysiga iyo ficillada isbeddelka cimilada,” bayaan ka soo baxay EU ayaa sidaa lagu yiri
Urpilainen waxa uu sheegay in Midowga Yurub uu kordhinayo taageerada uu siiyo Hindisaha Geeska Afrika 162 milyan oo Yuuro ilaa 430 milyan oo Yuuro sanadka 2022, gaar ahaan adkaysiga iyo sugnaanta cuntada.
