Madaxweynaha Dowlad goboleedka Hirshabeelle Mudane Cali Guudlaawe Xuseen ayaa maanta dib ugu soo laabtay Caasimada Jowhar kadib safar shaqo oo uu ku joogay Magaalada Muqdisho.
Madaxweynaha waxaa garoonka diyaaradaha ee Maxamed Dheere kusoo dhoweeyay Kusimaha Gudoomiyaha Baarlamaanka ahna Gudoomiye Ku Xigeenka 2aad ee Baarlamaanka Dowladda Hirshabeelle, labada gole ee Dowladda, Maamulka Gobolka, iyo kan degmada, Saraakiisha amniga iyo bulshada qeybaheeda kala duwan.
Cali Guudlaawe ayaa la filayaa in uu guda galo wadatashiyo uu kusoo dhisayo gole wasiirro cusub, waxaana lagu wadaa in maalmaha soo socda Madaxweynaha ku dhawaaqo gole wasiiro cusub.
