Iyadoo loo diyaar garoobayo bilashada bisha barakaysan ee Dulhaj oo caawa la filayo ayaa waxaa jira inay dhowr Dowladood si rasmi ah ugu dhawaaqay Maalinta Koowaad ee Ciiddul-Adxa
Wasaaraha Arrimaha Diinta iyo Awqaafta ee Dowladaha Malaysia, Indonesia iyo Brunei ayaa ku dhawaaqay inay bisha Dulxaj ee sanadkan 1443-ka ee Hijriyah bilan doonto Maalinta Jimcaha ee soo socota, kuna beegan bisha July 1-da ee Taariikhda Milaadiyada ee 2022-ka.
Bayaanka ay Dowladahaasi soo kala saareen waxaa kaloo lagu xusay in Maalinta Koowaad ee Ciiddul-Adxa loo dabaaldegi doono bisha July 10-da.
Dhinaca kale, Xarumaha Cilmi Faliga ee Xiddigaha ayaa shaaciyey inay bisha Dulxaj bilan doonto Maalinta berrito oo Khamiis ah, kuna beegan 30-ka bisha June ee sanadka 2022-ka.
Warbixinta waxaa kaloo lagu xusay in la joogsan doono  Banka Carafo Maalinta Jimcaha ee ku beegnaan doonta bisha July 8-da ee Taariikhda Milaadiga, Maalinta Koowaad ee Ciiddul-Adxa waxaa loo dabasl-degi doonaa bisha July 9-da.
