Ciidanka Booliska Mozambique ayaa xiray 9 qof oo looga shakisan yahay inay jirdileen isla markaana ay nolosha ku aaseen toddobo qof oo looga shakisanaa inay ka mid ahaayeen burcadda lo’da dhacda.
Wuxuu falkan ka dhacay degmada Manhiça, oo u dhaw caasimadda Mozambique ee Maputo.
Afhayeenka booliska gobolka Juarce Martins, ayaa xaqiijiyay ragga nolosha lagu aasay iyo dadka loo xiray dhacdadaas.
Wuxuu intaa ku daray in weli aan la aqoonsan dadka la dilay. Afhayeenka ayaa sidoo kale sheegay in saraakiisha dowladda ay booqdeen goobta si ay usoo qufaan meydadka dadkii nolosha lagu aasay.
Sida arxan darada ah ee nolosha loogu aasay burcada la qabtay ayaa la yaab iyo fajaciso ku noqotay dad badan.
