Taliyaha Ciidanka Booliska Soomaaliyeed S/Guuto Bashiir Cabdi Maxamed Ameriko ayaa maanta kulan la qaatay Wafdi sare oo ka socday Taliska Ciidanka Booliska Dawladda Turkey oo Muqdisho soo gaaray.
Kulankan oo ka dhacay Xarunta Safaaradda Turkey ee Muqdisho, ayaa waxaa goob joog ahaa Wasiirka Amniga gudaha XFS Mudane Maxamed Abuukar Islow, Taliye ku xiggeenka koowaad ee Hey’adda NISA, Safiirka Dalwadda Turkiga u fadhiya Soomaaliya Danjiye Olgan Begar iyo Masuuliyiin kale.
S/guuto Bashiir Cabdi Maxamed Ameeriko, ayaa wafdigii ka socday Dawladda aan walaalaha nahay ee Turkey waxay ka wada hadleen arrimo ay ka mid ahaayeen, Xoojinta Xiriirka labada dhinac iyo Kordhinta tababarada Turkiga ay siiyaan Ciidanka Booliska.
Turkiga ayaa ka mid ah dowladaha sida xoogan u taageera dowlada federaalka Somalia, isagoo ka kaalmeeya dhinacyada amaanka, dib u dhiska, dhaqaalaha, samafalka iyo horumarinta adeegyada bulshada sida waxbarashadam caafimaadka iyo qaar kale.
Xafiiska Shabakada Allbanaadir.com
Muqdisho Somalia
Allbanaadir@live.com
