Xulka Faransiiska ayaa noqday horyaalka kubada Cagta adduunka, kadib markii uu ciyaartii kama danbeysta ah ee finaalka uu goor dhoweyd ka badiyey xulka Croatia.
Ciyaarta oo goolal badan la iska dhaliyay ayaa ku soo dhammaatay 4 -2 oo guushu ku raacday xulka Faransiiska.
Waxaa dabaaldeg uu ka bilowday Garoonka ciyaartu ka dhaceysay, iyadoo kumanaan shacab ah ay isugu soo baxeen magaalada Paris iyo magaalooyinka kale ee Faransiiska.
Waa markii labaad taariikhda oo dalka Faransiiska uu ku guuleysto koobka adduunka, sanadkii 1998 oo 20 sano laga joogo ayey aheyd markii ugu horeysay ee faransiisku ku guuleysto koobkan.
Madaxweynaha faransiiska Emmanuel Macron ayaa ka qeyb galay daawashada ciyaarta finalka ah, waxaana la arkayey macron oo si xamaasad leh u taageeraya kooxdiisa sida ka muuqata sawirada hoose.
Xafiiska Shabakada Allbanaadir.com
Muqdisho Somalia
Allbanaadir@live.com
