Waxaa shaki xooggan la galinayay qabsoomida imtixaanka shahaadiga ee dugsiga sare oo horey wasaaradda waxbarashada xukuumadda Soomaaliya u shaacisay in aysan heyn sannadkan dhaqaalaha ku baxaya qaadista imtixaankan.
Agaasimaha Waaxda Tacliinta Sare ee Wasaarada Waxbarashada Cismaaciil Yuusuf Cismaan oo la hadlay warbaahinta dowladda ayaa sheegay in imtixaanka shahaadiga Muqdisho iyo gobolada dalka ka bilaabanayo 18-ka bishan June.
Waxa uu sheegay agaasimaha in Madaxweyne Xasan Sheekh uu ballanqaaday bixinta kharashaadka ku baxaya qabsoomida imtixaanka shahaadiga ee dugsiga sare, waxa uuna xusay in imtixaanka la diyaariyay goobihii lagu gali lahaa.
Wasaaradda Waxbarashadda Hiddaha iyo Tacliinta Sare ayaa uga mahad celisay Madaxweynaha Soomaaliya Mudane Xasan sheekh Maxamuud dadaalka uu ku bixiyay qabsoomida Imtixaanka Fasalka 12,aad ee Dugsiga Sare.
Muqdisho Somalia
Allbanaadir@live.com
