Warbaahinta dalka Koonfurta Sudan ayaa ku warantay in maxkamad kutaala gobolka Lakes ee Koonfurta dalkaasi ay xukun adag oo xabsi ah ku riday neef Ido ah oo lagu helay in herti ku dilay haweeney.
Neefka idaha ayaa horaantii bishii dhamaatay ee May herti ku weeraray haweeney ku sugneed goob garoon ah, waxaana dhaawac xoogan uu neefkaasi gaarsiiyay keentay in haweeneyda durba geeriyooto.
Ehelada haweeneyda geeriyootay ayaa ka dacwooday maxkamad una gudbiyay kiiska dilkan, waxaana maxkamada dhageysi dacwadeed kadib xukun xabsi saddex sanno ah ku riday neefka idaha ah ee dilka geestay.
Booliiska Koonfurta Sudan ayaa warbaahinta u sheegay in neefka isaha uu weerar kedis ah ku qaaday haweedeyda uuna herti uga jabiyay feeraha sidaasna ku geeriyooray, waxa ayna booliiska xuseen in neefkaasi dilka geestay xabsiga dhigeen.
Maxkamadda ayaa sidoo kale ku xukuntay ninka iska lahaa neefka idaha ee dilka geestay oo lagu magacaabo Duony Manyang Dhal in shan neef oo sac ah uu siiyo qoyska ay kasoo jeedo haweeneyda geeriyootay.
Neefka idaha ee dilka geestay ayaa saddex sanno xabsi ah ku qaadan doona xarunta dhexe ee deegaanka Aduel ee gobolka Lakes, waxaana marka uu xukunka xabsiga soo dhameesto lagu wareejin doonaa neefkaasi qoyska haweeneydii uu dilay.
Xafiiska Shabakada Allbanaadir.com
Muqdisho Somalia
Allbanaadir@live.com
https://www.youtube.com/watch?v=OSMFMh5I_Ak
